當打機動漫成為了生活的一部分,絕對會為日常增添不少趣事。
為大家帶來打機及動漫資訊。
必學!Switch上網連線慳錢大法 年費$172變$35
09月20日

必學!Switch上網連線慳錢大法 年費$172變$35

要嚟嘅始終要嚟,尋日同大家介紹過任記正式推出「Nintendo Switch Online」服務,以後想用Switch上網連線打機就要乖乖地畀錢Join會員(仲未知道呢個消息嘅朋友即刻去呢度補下習先:http://bit.ly/2xuiWyH),日版會員收費1個月要300日元(約HKD$21),如果一次性買一年會籍就2400日元,都要大約HKD$172,雖然對比起Xbox金會員同埋PS Plus會籍嚟講都唔算太貴,但係憑住「慳得一蚊得一蚊」嘅精神,我哋即將為大家介紹「Nintendo Switch Online」服務終極慳家方案,教大家只需要HKD$35,就可以買到一年會籍。

「Nintendo Switch Online」會員嘅收費方案分成兩種,一種係個人制,即係一年要2400日元(約HKD$172)嗰隻,另一種係家庭會員,而「善用家庭會員」,就係今次慳錢大計嘅關鍵。日版家庭會員收費4500日元(約HKD$323)一年,最多支援8個帳戶,即係話只要畀323蚊,就可以令8個唔同帳戶擁有一年嘅「Nintendo Switch Online」服務會籍,HKD$323除8,大約HKD$40左右。

但要慳,就一定要慳到盡!經過多次實測之後,發現唔同地區會員收費都有分別(主要原因係貨幣唔同),咁香港人大路啲一係就玩日版,一係就玩美版啦,美國Server會員一年收費係34.99美金,計返大約HKD$275,除開8個人35蚊都唔使!直接打個兩析,抵到爛!

講咗咁耐,到底點申請家庭會員呢?跟足以下步驟易過借火!

必學!Switch上網連線慳錢大法 年費$172變$35

1. 先到任記官網https://accounts.nintendo.com/登入返自己帳號,留意下「國家/地區」嗰度係咪揀咗「美國」,如果唔係就按「變更」改返。(如果你有情意結想Join日版地區就揀返日本,完全冇問題,只係價錢會貴少少)

必學!Switch上網連線慳錢大法 年費$172變$35

2. 之後揀左邊目錄嘅「家庭」,再按「追加成員」

必學!Switch上網連線慳錢大法 年費$172變$35

3. 再揀「邀請至家庭」

必學!Switch上網連線慳錢大法 年費$172變$35

4. 輸入要加入「家庭群組」嘅Switch帳號登記時所用嘅電郵地址,對方好快就會收到E-mail,確認完之後就加入完成。

之後大家只要搵齊8位有玩開Switch嘅家庭成員、親戚或者係「情如兄弟嘅好友」,就可以用「優惠價」35蚊買到一年「Nintendo Switch Online」會籍,每個月3蚊都唔使,咁當然啦,你搵唔齊8個人都可以用呢個方法,只係成本就會按比例上漲返少少,仲等咩?即刻Tag埋晒你啲朋友,盡情招FD子做你嘅契哥契妹啦!