當打機動漫成為了生活的一部分,絕對會為日常增添不少趣事。
為大家帶來打機及動漫資訊。
新增「防禦網」 《Pokemon Go》玩家對戰系統詳情
12月05日

新增「防禦網」 《Pokemon Go》玩家對戰系統詳情

繼日前放風會出之後,官方啱啱正式進一步公布咗《Pokemon Go》玩家對戰系統嘅詳情,基本上你可以同任何有玩《Pokemon Go》嘅朋友對戰,展開對戰嘅方法亦好簡單,你可以直接搜尋「附近玩家(Nearby)」,又或者係透過掃瞄QR Code同特定玩家開戰。而且每次對戰完之後,參戰雙方都可以獲得獎勵,有時候重可以拎到非常寶貴嘅進化道具「神奧之石」!一般嚟講,你只可以進行近距離通訊對戰,但如果兩位訓練家個「友誼等級」夠高,就算分隔兩地,都可以進行遠距離對戰。

新增「防禦網」 《Pokemon Go》玩家對戰系統詳情

另外,為咗對戰可以公平進行,玩家展開對戰之前,需要喺三個對戰聯盟中揀選其中一個,其中「Great League」只限1500CP以下嘅小精靈參戰,「Ultra League」就只限2500CP以下小精靈參加,而最高級嘅「Master League」就冇CP限制,喺呢個機制下,就算係低CP值嘅小精靈,都有訓練嘅價值同埋出場機會,唔會單純畀人「屈Level」。

新增「防禦網」 《Pokemon Go》玩家對戰系統詳情

對戰期間小精靈可以使用一般招式同特殊招式,所以各位喺戰鬥前一定要諗好邊隻精靈學咩招,各位訓練員亦可以透過「星星沙子」同埋「寶可夢糖果」等道具解鎖第二招特殊招式。另外玩家喺放出特定招式嘅時候,亦有機會可以使用連按熒幕等手段提高攻擊效率。

新增「防禦網」 《Pokemon Go》玩家對戰系統詳情

除此之外,今次因應玩家對戰系統推出,官方亦新增咗一項叫做「防禦網」嘅系統,玩家可以喺對戰途中適時使用「防禦網」去抵擋敵人嘅招式,不過必須留意一點,「防禦網」係有次數使用限制,用完就冇得再用,之後只能夠硬食對手啲招,所以使用時機一定要好好考慮清楚,「防禦網」亦係絕地大反擊嘅關鍵所在。