【電競初哥】到底我睇緊啲乜？

電玩人生

當打機動漫成為了生活的一部分，絕對會為日常增添不少趣事。

by 打機

為大家帶來打機及動漫資訊。

【電競初哥】到底我睇緊啲乜？

2018年05月08日

對於一個啱啱接觸電子競技項目嘅朋友仔嚟講，好多時係觀賽嘅時候都會唔明白兩邊隊伍喺到鬥緊啲乜。而嚟緊星期日舉行嘅學界電競大賽2017就係一個好機會去認識下啦。

到時會有唔同類型嘅競技項目，射擊類型嘅CSGO又得，策略類型嘅LOL又得，運動類型嘅跑Online又得，連手機玩嘅Clash Royale都得! 總有一款係你心水嘅類別。

但計我話呢，LOL嘅比賽就一定比較緊張刺激。當中無論係選手喺線上面嘅操作，定係團戰嘅發揮，都係非常精彩。而每一個比賽選手喺精彩嘅操作後，都會引嚟一大班fans嘅熱烈歡呼!

而今次嘅lol決賽會由中華基督教扶輪中學同孔教學院大成何郭佩珍中學爭奪冠軍一席。喺超過70間中學參加嘅情況底下，佢地仲能夠脫穎而出，相信一定有番咁上下實力!

當然啦，係觀賽之前，大家都應該去了解多啲關於該遊戲嘅內容。其實就算你唔落手落腳去玩都好，網上面唔同嘅資料補給都能夠令你明白好多該遊戲嘅內容。到時就唔洗睇住人歡呼又唔明佢地做緊咩啦!