《Marvel"s Spider Man》隱藏求婚訊息 慘變史上最悲哀彩蛋
《Marvel's Spider Man》隱藏求婚訊息 慘變史上最悲哀彩蛋

呢幾日網絡上最多人討論嘅遊戲一定係《Marvel's Spider Man》,唔單只各大評測平台都畀呢隻遊戲好高評分,玩家中嘅口語相傳評價亦相當不俗,係近期少見嘅3A級動作佳作,大家嘅進度又打到邊呢,你哋玩嘅時候,又有冇留意到呢個彩蛋呢?

《Marvel's Spider Man》隱藏求婚訊息 慘變史上最悲哀彩蛋

事緣一位叫Tyler嘅玩家,已經同佢女友拍咗拖五年,諗住用個浪漫啲嘅方法同佢女朋友求婚,而Tyler本身係機迷,又非常鍾意蜘蛛俠,所以喺遊戲推出前去到開發商個Twitter度問「可唔可以幫手喺遊戲內擺個求婚訊息」,官方又真係認真答佢「你確定你哋可以等到九月?」,Tyler表示「我哋啱啱先五週年,去到九月求婚應該冇問題」,官方因此答應幫手。

《Marvel's Spider Man》隱藏求婚訊息 慘變史上最悲哀彩蛋

《Marvel's Spider Man》如期登錄PS4平台,只要去到某個位置,你就會搵到一塊廣告牌,寫住「Maddie, will you marry me?」,正當全球玩家都以為女主角肯定冧爆即場Say Yes嘅時候,Tyler傳嚟噩耗,指「女朋友已經同我分咗手,佢重同咗我老友一齊」,呢隻蜘蛛仔即時搖身一變變咗做綠帽俠,原本嘅浪漫故事亦突然變咗做遊戲史上其中一件最慘嘅悲劇,遊戲開發商嘅高層亦公開表明,願意喺下一個更新更換嗰塊廣告版嘅訊息,希望綠帽俠Tyler好過啲,Tyler就話希望將廣告牌上邊嘅名改做佢嫲嫲個名紀念佢(事關佢鍾意蜘蛛俠都因為佢嫲嫲買咗第一本蜘蛛俠漫畫畀佢),雖然未知開發商係咪真係會答應,但呢件事嘅尷尬同埋悲慘程度已經足以喺遊戲史上留名......

《Marvel's Spider Man》隱藏求婚訊息 慘變史上最悲哀彩蛋

如果大家都想去呢個景點度觀摩下呢個「求婚訊息」,可以Follow住條片去返指定位置憑弔一下呢段已GG嘅愛情。