你就係木村拓哉! 人中之龍工作室原創新作
你就係木村拓哉! 人中之龍工作室原創新作

《人中之龍》團隊日前預言即將發布一部完全原創嘅全新作品,成功引起咗一眾Game迷注意,但大家唔使再估啦,因為人中之龍工作室啱啱正式釋出咗新作嘅前導宣傳影片,而最令人驚喜嘅係呢部作品嘅主角居然係由日本國民巨星木村拓哉所擔綱!

你就係木村拓哉! 人中之龍工作室原創新作

名為《審判之眼 死神的遺言(ジャッジアイズ 死神の遺言)》嘅全新作品將講述主角八神隆之係「神室町」所發生嘅故事,冇錯,就係《人中之龍》嗰個「神室町」(即現實東京歌舞妓町)。八神原本係一位律師,經歷咗某單神秘案件之後,佢「放棄」(或者係被逼?)咗律師嘅身份,從第二個角度,以「偵探」嘅角色去追尋正義,偵破各宗奇案。

你就係木村拓哉! 人中之龍工作室原創新作

遊戲中玩家需要根據劇情進行僭入、調查、跟蹤、搜集證據,並且喺適當嘅時候進行舉證,將犯人逼到後冇退路嘅境地。新作亦不乏戰鬥元素,打鬥模式類似《人龍之龍》系列一貫嘅誇張爽快模式,亦可以運用各式各樣嘅環境武器。不論係背景設定定係畫面,《審判之眼 死神的遺言》都帶有極濃厚嘅《人中之龍》味道,遊戲應該係以相同或改良版引擎打造,再加上係由名製作總監名越稔洋領軍打造,質素應該好有保證。既然新作係喺「神室町」發生,究竟同《人中之龍》系列係咪設定喺同一時空之下,桐生一馬又會唔會Cross Over出嚟浦下頭呢?

你就係木村拓哉! 人中之龍工作室原創新作

相信睇完片唔少玩家都已經心郁郁,放心,唔使等太耐,因為呢部作品三個月後就會面世,重有一個好消息,就係《審判之眼 死神的遺言》將於12月13日同步推出繁體中文版本,同日文版一齊登錄PS4平台,誠意十足,如果你都係等唔切嘅話,OK,PSN日本伺服器已經釋出咗試玩版,不過暫時試玩版只係得日文語系,等唔等多陣,睇你有幾忍得啦。

以下係遊戲流程簡介