從絕望中展翅 《God Eater 3》發售日確定
從絕望中展翅 《God Eater 3》發售日確定

隨住《Monster Hunter》系列成功跑出,唔少日廠都緊密Follow同參考,推出玩法類似,以討伐大型魔物為主軸嘅共鬥遊戲,而其中一款比較有特色同埋出名嘅,就係《God Eater》系列啦,之前BANDAI NAMCO Entertainment已經不斷放風話正傳第三集將會喺今年年底或者下年年頭推出,而日前官方正式公布咗確實嘅上市日期,PS4版本《God Eater 3》將會喺今年12月13日正式面世!

遊戲講述喺未來世界,有一種神秘生命體「荒神」突然現身,並開始捕食世界嘅人同事,世界即將崩壞毀滅,人類最後嘅希望就落咗喺由生化企業開發嘅活體兵器「神機」身上,而由一班能夠操縱「神機」嘅人類所組成嘅特殊部隊就叫做「噬神者」,玩家將於遊戲中扮演「噬神者」其中一員為人類續存而與「荒神」進行各種生死相博。

今集故事設定喺「灰域」,因為未知嘅原因令到空氣中漂浮住一種灰色氣體,呢種氣體可以瞬間吞噬接觸到嘅任何事物,好彩生化企業啱啱開發出專門對抗「灰域」嘅新型兵器,藉以力抗新型敵人,佢哋亦成為咗人類生存落去嘅唯一希望。

《God Eater 3》將會提供PS4同埋PC版本,PS4版本預定喺12月13日上市,至於PC版本則暫未公布。