歌頌友情嘅溫馨小品 《兩人的童年花園》
歌頌友情嘅溫馨小品 《兩人的童年花園》

打得硬派遊戲多,有時都想搵啲溫馨小品玩下,好似呢隻名為《兩人的童年花園(The Gardens Between)》嘅獨立作品就係唔錯嘅選擇,呢隻Game係一隻頗為輕鬆嘅解謎冒險遊戲。故事講述一對名為Arina同埋Frendt嘅好朋友因為一次意外,跌咗入一座虛幻如真嘅夢之島嶼,而喺呢座小島上,佢哋逐漸搵到二人曾經度過嘅美麗時光片段回憶,亦重拾返各式各樣極具紀念性嘅信物,遊戲非常重視取同捨嘅概念,玩家需要喺二人重要嘅回憶同信物當中,選取應該留低嘅拎走,同埋將冇咁重要或者應當捨棄嘅嘢留低,努力踏上旅程。

呢隻Game雖然係一隻小品作品,但蘊含嘅意味都幾豐富,玩家需要透過唔同嘅取捨拎到重要物件,再一齊爬到小島嘅頂峰通過關卡。「時間操控」亦係《兩人的童年花園》嘅重要元素,Arina同Frendt必須透過時光倒流或加速以通過特定場景,而同時改變時間亦可能會令二人獲得或丟失部分經歷同回憶,玩家將要在遊戲中作品一定取捨。

《兩人的童年花園》將於9月20日正式推出,屆時將同步登錄Switch、PS4同PC平台,其中Steam發售嘅版本已確認包含繁體中文語系。