高清Ada現身 《Biohazard 2》TGS全新PV
高清Ada現身 《Biohazard 2》TGS全新PV


年度盛事東京電玩展展開,Capcom大力發功,除咗推出《Devil May Cry 5》嘅全新影片,重有《Biohazard 2》重製版嘅故事前導PV,喺呢兩分鐘入邊,成隻Game嘅主要角色基本上以實機姿態出晒場,就連一直都好神秘嘅Ada Wong亦有現身,驟眼睇落大家都冇乜點走樣,而且重製版嘅造型都幾討好,只不過美中不足嘅係豬隊友有啲私心,唔明點解Ada要包到咁實,就連夜媽媽黑到傻咗都重要戴住副黑超。

《Biohazard 2》重製版係以1998年初登錄PS1平台嘅原版遊戲,用全新引擎「RE引擎」完全重製,並非單純嘅Remaster而係徹徹底底嘅Remake,以次世代繪圖技術重現當年嘅經典劇情。新作預定喺2019年1月25日正式推出,將同步登錄PS4、Xbox One同埋PC平台,特別留意本作嘅日版遊戲將分成兩個版本,分別係CERO分級為D嘅一般版,同埋CERO分級為Z(僅限18歲以上玩家)嘅限制級版,主要分別係後者會有更多血腥場面(同埋可能有斷頭畫面),有興奮入手嘅朋友喺預訂或者買嘅時候記住睇清楚,按照自己能力同需要選購返相應版本,唔好買錯啦!