從Claire視角體驗原始恐懼 《生化危機2 重製版》最新實機片
從Claire視角體驗原始恐懼 《生化危機2 重製版》最新實機片

相信話《生化危機2 重製版》係下年年頭最重磅嘅大作都應該唔會有人反對(Ok,重有《DMC5》),呢隻作品消息一出,即刻橫掃咗幾個遊戲展嘅大獎,其中包括E3最佳動作冒險遊戲、遊戲評論家嘅最佳展出獎等等,勢頭認真一時無倆,今次重製係真真正正嘅Remake,成隻Game砍掉重練,但又怕期望越大失望越大,所以成個Game界都好期待新作嘅實機影片,早前就釋出咗Leon嘅Gameplay,氣氛營造感好好,打擊感亦都翻咗幾倍,但對於雷隊長嚟講,喺《生化危機2》嘅劇情入邊,另一主角Claire嘅故事線比Leon更加吸引(唔通我話你知主要原因係因為Claire係女角咩TQT)。

如果你同我一樣都係Claire粉絲,咁一定唔可以錯過呢段最新釋出嘅Claire視角實機影片,而喺呢條最新試玩影片中,大家亦可以見到比較高級嘅敵人「舔食者」,可以見到新造型比原版寫實咗好多,亦更加噁心……

《生化危機2 重製版》暫定會喺2019年1月25日正式賣街,將登錄PS4、Xbox One同埋PC平台,中文版亦會同步上市。