《Ooblets》超萌蔬菜小精靈
《Ooblets》超萌蔬菜小精靈

前幾日介紹過玩經營夜市嘅《峰子的夜市》(Mineko's Night Market),今日豬隊友再帶嚟多一個名為《Ooblets》嘅模擬經營作品,遊戲風格結合咗Pokémon、牧場物語同動物之森;玩家扮演叫Essie嘅主角,喺田地上種農作物去賣,同時種出唔同嘅蔬菜小精靈--Ooblet,Ooblets重會排排隊好萌咁跟住你行。鍾意可愛風嘅玩家,呢個遊戲應該會好啱口味。睇返Steam上嘅資料,上市日期標示「Soonish!」,睇返遊戲官方網站,九月初時曾公布團隊正努力幫小精靈設計緊跳舞battle嘅程式,豬隊友一有最新消息會再同大家分享!