每一秒都畀惡魔追殺緊 緊張度滿分嘅凶宅之旅
每一秒都畀惡魔追殺緊 緊張度滿分嘅凶宅之旅

雷隊長都叫做大膽同埋鍾意玩恐怖Game,但係呢隻名為《The Conjuring House》嘅遊戲真係玩到我精神崩緊,事關打呢隻遊戲嘅全程,係全程呀!全程都會有隻惡魔追住你,你係唔知佢幾時彈出嚟,而且呢隻惡魔係唔會受地形限制,一刻都唔可以放鬆心情。

遊戲講述喺一間疑似廢棄大宅入邊出現咗啲「奇怪活動」,主角(即係玩家)受到委託要入去一探究竟,之但係一入咗間屋即係「中招」,發現畀一隻不知名嘅惡魔女人追殺,為咗生存落去,玩家需要一方面避開惡魔,一方面尋找屋內嘅「惡魔文物」並逐一摧毀,最後先可以逃出生天(好似係,唔劇透)。

本作係一隻主打自由探索嘅非線性恐怖遊戲,玩家主要目的就係摧毀「惡魔文物」,而過程中惡魔會不斷「騷擾」你,重有各式各樣嘅鬼怪會突然彈出嚟嚇你,雖然個嚇人方法係好老土,但隻Game個嚇人密度真係非常之高,如果你係追尋刺激嘅玩家,呢款遊戲絕對滿足到你。

《The Conjuring House》已經登錄咗喺Steam平台,本作係有中文字幕嘅,不過暫時就只係得簡體,好過冇啦。