吊命!生命只剩13日! 《槍彈辯駁》精神續作中文版
吊命!生命只剩13日! 《槍彈辯駁》精神續作中文版

當現代文明疑似因為一場洪水被破壞殆盡,全世界嘅人類都無法倖免於難,原本充滿生機嘅星球只剩低8個「人類」,嚴格嚟講佢哋甚至唔係人類,只係8個
擁有人類外表嘅「複製人」,呢8個複製人因為不知名嘅原因被帶到一座孤島上,眼前只有一座又一座嘅廢墟。作為複製人,呢8個主角都有一個共同缺憾,
就係佢哋會急速衰老,只有13日生命,8位主角需要一邊探索世界眾多謎團嘅同時,一邊參與遊戲中最詭異嘅遊戲「續命TV」嚟延長壽命。

呢隻名為《殘機為零》嘅新作係由《槍彈辯駁》系列製作人寺澤善徳領軍製作,所以淨係睇宣傳片同人設已經可以Feel到好濃厚嘅「槍彈味」,雖然遊戲玩
法由「投票殺人」變咗做「玩Game續命」,但其實骨子裡都係類似嘅嘢,本作同《槍彈辯駁》一樣都係一隻具備「查案」元素嘅生存遊戲,而遊戲中嘅8位主
角亦有相對應類似七宗罪嘅「外號」,呢一點亦為本作增添咗唔少神秘色彩。

《殘機為零》基本上就係一隻《槍彈辯駁》系列嘅精神續作,係舊有作品嘅骨架上套上全新故事、世界觀同埋系統,鍾意《槍彈辯駁》嘅朋友一定要多加留
意本作。本作日版已經正式推出,但呢類以文字為主軸嘅Game,冇中文真係唔知點玩,《殘機為零》嘅中文版亦終於確定會喺下年年頭登錄PS4平台,有興趣
嘅朋友再等多陣啦!