VR沉浸式體驗 基於心理學理論嘅懸疑遊戲
VR沉浸式體驗 基於心理學理論嘅懸疑遊戲

《心靈詭宅》係一款基於心理學理論打造而成嘅懸疑遊戲,喺遊戲世界中,科學家可以將真人嘅腦部資料、情感、記憶等精神層面嘅事物從人體中抽出嚟,再Upload到數碼世界入邊,而玩家就需要喺遊戲中扮演呢個「數碼心靈」,設法解開一個又一個不為人知嘅秘密。

本作嘅背景設定的確有啲「形而上」,不過簡單啲講,《心靈詭宅》其實就係一款比較科幻嘅懸疑遊戲,遊戲亦有大量密室逃脫元素。遊戲主要圍繞科學家家庭展開,每個家庭成員都各自有啲唔想畀其他人知嘅秘密,而你所扮演嘅「數碼心靈」嘅任務就係去尋找呢啲秘密背後嘅真相。

本作早前已經正式登錄咗PC、PS4、Xbox One平台,並且獲得唔錯嘅評價,喺Steam上亦取得「大多好評」嘅玩家反饋,而日前官方正式宣布為《心靈詭宅》追加全程VR模式,畀玩家以浸沉式虛擬實境方式體驗完整故事,相信可以令遊戲體驗再上一層樓。值得一提嘅係本作只有PS4版本提供中文化語系,有興趣入手嘅朋友不妨多考慮PS4版啦。