手機都玩得到嘅機戰 《機戰DD》事前登錄開催
手機都玩得到嘅機戰 《機戰DD》事前登錄開催

尋晚對好多《機戰》粉絲嚟講,應該係非常興奮同埋熱向嘅一晚,事關Bandai Namco一口氣發布咗兩部正統本傳《機戰》作品,你冇睇錯,係兩部!除咗頭先介紹過嘅PS4、Switch作品《機戰T》之外(重未睇新作PV嘅朋友請去呢度溫習返),重有全新嘅手遊作品--《超級機器人大戰 DD》。

可能見到手遊兩個字,各位粉絲個心都涼咗一截,的而且確,好多大作IP都毀咗喺手機遊戲上,而部分玩慣PC或者家用機嘅傳統玩家亦對手遊冇咩好感(最近嘅《Diablo》手遊發布會係最佳例子,畀人噓爆),但各位《機戰》系列Fans唔使咁快失望住,事關雷隊長本身都好似大家咁諗,但睇返發布會嘅詳細資料,先至發現「此手遊非彼手遊」。

《超級機器人大戰DD》雖然係喺手機平台上推出,但官方將佢嘅定位放得好近本傳玩法,而且睇返個PV,戰鬥作畫表現非常出色,拍得住家用機質素,另一方面,本作亦有全程CV配音,加上參戰作品陣容亦都好齊全,細心啲睇,會發現呢隻Game雖然係手遊,但個製作方針絕對係本傳規格,就算同家用機版本重有少少距離,都絕對追得上以往嘅手提機版本!

新作預定會喺2019年推出,屆時會同時備有iOS同Android版本,亦全面支援繁體中文語系,而官方亦已經為本作開展咗事前登錄,另一方面,想搶先一步快過其他人玩到嘅玩家,亦可以登記參加封測,最早12月就玩到呢隻新Game!

事前登錄/封測登記傳送門

《機戰DD》參戰作品一覽:
《惡魔人》
《鋼鐵吉克》
《真蓋特機器人 世界最後之日》
《魔神凱撒》
《超電磁機器人 孔巴德拉V》
《超電磁機械 雷霆五號》
《聖戰士丹拜因》
《裝甲騎兵》
《蒼藍流星 SPT 雷茲納》
《勇者王 GaoGaiGar》
《Code Geass 反叛的魯路修》
《ZEGAPAIN》
《ZEGAPAIN ADP》
《革命機 Valvrave》
《機動戰士 Z高達》
《機動戰士高達 馬沙之反擊》
《機動戰士高達 SEED》
《機動戰士高達 00》
《機動戰士高達 UC》
《機動戰士高達 鐵血孤兒》
《驚爆危機》
《福音戰士新劇場版:序》
《福音戰士新劇場版:破》