做個英明嘅統治者 親身體驗工業時代
做個英明嘅統治者 親身體驗工業時代

Ubisoft旗下的模擬大作《美麗新世界(Anno)》系列一向以高自由度嘅沙盒玩法,吸引到唔少支持者,系列作亦不斷帶玩家去到唔同年代,透過各種手段去建立並統治強大嘅文明,而嚟緊下年推出嘅新作《美麗新世界1800》就將會帶各位玩家去返最早期嘅工業時代,體驗近代史上最巨大、影響最深遠嘅文明變遷。

《美麗新世界》嘅玩法基本上就係《模擬城市》加埋戰爭、外交元素,並且有大量劇情戰役等住大家挑戰,玩家將要喺1800年代初期開始遊戲,面對工業化嘅挑戰,你作為統活者需要喺傳統同變革之中取得平衡,一方面去規劃、發展城市,另一方面亦要進行探索、殖民開發新土地同新市場,必要時更加要靠外交或者戰爭手段去達成你嘅目標,呢隻Game基本上就係一隻「統治者模擬器」。

《美麗新世界1800》除咗係新作,亦係系列作推出20周年嘅紀念性作品,Ubisoft亦都好識做,期間限定咁放出咗系列作初代《美麗新世界1602》畀廣大玩家免費下載,由今日起去到12月22日,各位只要註冊個Uplay帳號,就可以用返佢哋個Uplay平台免費下載到《美麗新世界1602》,拎嚟熱身就啱晒啦。

《美麗新世界1800》暫定會喺2019年2月26日喺PC平台上正式推出。

推薦內容