盼望已久嘅喪屍世界求生遊戲《Days Gone》4月26日有得玩啦!

由Bend Stuido開發多時嘅PS4喪屍世界求生遊戲《Days Gone》終於宣佈喺今年4月26日推出市面。DAYS GONE

《Days Gone》故事嘅地點設定喺美國西北部,當中覆蓋森林與汾漠地帶,以及都會區。而時間係設定於疫症爆發嘅兩年之後,玩家會成為一個名為 Deacon St. John嘅賞金獵人,需要騎著電單車喺喪屍世界求生。遊戲中嘅喪屍都係兩年前受到疫症感染嘅「異變者」,雖然佢地同人類一樣需要進食以及睡眠,但係活動能力極強,而且極為殘暴!

 

run away

*跑啊!啲喪屍追緊上來啦!

days

《Days Gone》嘅玩法相當自由,喺進入開放世界之後,玩家可以自由探索,並且完成地圖上顯示嘅主任務,以及支線任務。喺面對喪屍襲擊嘅時候,除咗利用手槍、機關槍、霰彈槍以及狙擊槍進行遠程攻擊之外,亦可以使用棍或刀等武器進行埋身攻擊,身為主角嘅你更可以利用背後潛行嘅能力進行襲擊。

days

遊戲中變幻莫測嘅天氣係一個比較重要嘅元素,因為不同嘅天氣會影響電單車嘅控制難度,以及影響喪屍嘅活動能力,例如落雨嘅時候控制電單車嘅難度會增加,落雪嘅時候喪屍會變得更加兇殘,而電單車係遊戲入面唯一嘅交通工具,想逃離喪屍嘅追擊就要練好啲手車啦!