精選潛力及熱門股深入分析跟進
by 高梁
by 高梁
資深投資者關係人員
【膏腴梁肉】小米招股後 牛熊見真章
06月25日

【膏腴梁肉】小米招股後 牛熊見真章

 

萬眾期待的小米(01810.HK)今日開始招股,換來的不是叫好叫座,坊間唔睇好的十有八九。

至今,小米的招股路問題多多。首先,它是一隻同股不同權的股票,理論上會有一定數量貪新屎坑的客源,但一個銀仔有兩面,靜觀其變的人亦比比皆是,況且近日市況欠佳,又早前平安好(1833.HK)前車可鑒,就算要落注都唔更大進取啦。

第二,原定是中港左右逢源的集資計劃,CDR卻在本土被中證監叫停。明顯是主場失勢,除非是非常進取或拍哂膊頭人士,正常都會睇定啲啦。

第三,保薦人對小米估值是2019年的26-32倍預測市盈率。市傳中證監指小米估值過高,要等到一個合理區間再在內地發行CDR,連中證監都睇死佢跌穿搭股價!其實,上市嘅嘢,最好係大家有錢搵,公司佔盡便宜,往往最終無好下場。李嘉誠先生早前憶述,1972年長實上市,即使包銷商建議招股價13元,但他多次要求訂價3元。這是財德兼備,也是Marketing的高招。

報紙賣劵商為小米預留了超過1500億孖展,又話隨時突破閱文(0772.HK)的凍資額。咁多錢晾起,自然成為大市有壓力的藉口。但若然小米招股過後,港股仍無表現,是牛市已死的最佳證明,這兩個星期非常關鍵。

熊市通常是來得突然,令人措手不及。當大家都預期牛市在2018年底結束、2019年熊市來臨;熊市可能已經近在眼前。