短綫炒作投資攻略及重點財經資訊
by 棋亮
by 棋亮
投資組合經理
【棋亮速評】資金繼續湧入大型新股
07月11日

【棋亮速評】資金繼續湧入大型新股

 

大市昨日屬第三日反彈,裂口高開後做陰燭收市,原先都打算加多一點貨。可是,市場焦點完全去了同股不同權隻巨型新股到,加上富時指數立即納入其在內,周五收市就換馬,其他股表現較弱,揀都揀唔落手,人同此心,最後隻新股佔左大市成交金額逾一成,成為成交金額第一,依隻股都係快打快。這家公司業務不確定性甚高,中長線要睇大環境變化,股價就算升,有時同資金面有關,同業務關係不大,又係千奇唔好股價上升就以為公司產品突然升左級。


今早美國收市後公布,新一輪價值2000億美元的關稅清單,當中包括服裝、電視零件、雪櫃及其他高科技產品等消費品。人民幣立即急跌,估計短期內再試心理關口,今日港股第一轉都弱。


個股心水不多,昨日仍然係輪流散的多,尋日期指高位係29013,如果今個星期內做到陽燭升穿就進一步睇好,但諗唔到買甚麼股好,可能用指數產品就算,夠成交,可以快入快出,未做到前,都未敢買得進取。