集結人氣博客分享投資理財智慧及貼士
by 棋亮
by 棋亮
投資組合經理
【棋亮速評】燃氣有利好政策支持
07月12日

【棋亮速評】燃氣有利好政策支持

 

昨日期指第一浸明顯跌過龍,跌穿27900後反彈力度甚強,但去到28300左右就失力,並留下一個近兩百點的下跌裂口。個股反而比前日強,部份中資股日內做到一轉反彈,但持續性並唔夠,所以並未有大幅加貨的理由。


昨晚人民幣再升穿6.7元心理關口,今日有機會又試沽一輪,預計消息應該會打亂個市一會。另外油價大跌,今日石油股也會拖住個市後腳。燃氣股有利好政策,可以睇下行業個股的反應。另外今日有8隻新股上市,受惠巨型半新股過去三個交易日表現不錯,新股氣氛好轉,大部份暗盤都正數。然而,巨型半新股尋日,早段試到阻力後,反覆回落買盤不似前日,如果短期升穿唔到昨日高位,可能暫時放埋一邊。


另外,有個行業古古怪怪,當中美貿易戰聲勢浩大之時,美國電動車公司大大聲話要係上海設廠,而中國電動車公司又找合作伙伴,進軍美國租賃大巴市場。如果只看這個行業,真的不覺得中美正進行史上金額最大型的貿易戰。