投資方法集百家大成,滙聚實戰心得,獨到分析
投資888分析師、CFA、CFP
山竹打到嚟 爆窗家居保賠唔賠? 中招要留意乜?
09月14日

山竹打到嚟 爆窗家居保賠唔賠? 中招要留意乜?

 

山竹好快打到嚟,大家有冇忙於貼牛皮膠紙? 如果驚爆窗有財物損失或整親其他人要賠償,家居保係護身護。

 

家居保保財物及第三者責任

 

家居保一般包括火災、水災及爆竊令家居財物受損或被破壞的更換或維修費。例如,因打風或爆水管令傢俬、家電、衣物等損毁,甚至是雪櫃失靈令食物變壞等都包。部分家居保更會保貴重財物,如古董,珠寶名畫等。每項保障均設有上限。家居保中也包括第三者責任,保障牽涉到引致第三者訴訟之賠償。例如,鋁窗鬆脫墮樓擊中途人,傷者的醫療費用,又或者往後傷者提出的法律訴訟,均在受保範圍之內。

 

出事要通報留證據

 

假如真係爆窗,或因其他事要索賠,要跟序程:


1) 出事後要第一時間通報,並先拍下現場照片,不要急於清理現場。通報後,保險公司會派人到現場視察及搜證,有機會是公證行的人,如未能即日安排,應先詢問如何處理;


2) 如屬物件損壞,不要掉,因為保險公司多要收回;


3) 如涉及第三者責任,先不要承諾作出任何賠償,應叫追討人直接與公證行或保險公司聯絡,再作出安排。事件成因、責任誰屬、賠與不賠及賠幾多錢等問題,當中涉很多專業證明及法律知識,專業的事件就交給專業的人處理。

 

家居保一般以居所面積收費,應比較收費、承保範圍及賠償額。特別要留意墊底費高低,即傢俬值6,000元,墊底費為1,000元,最多只獲賠5,000元。家居保會有分「全險保單」或「特定風險保單」。全險保單是指,除了不保事項中列明之外,其他沒有列明的原因都受保。至於特定風險保單是指,只保列明事項,其他沒有列明的均不受保。

 

新樓原裝、空置或裝修期不保

 

此外,有3點需特別留意:


1) 單位如果丟空超過30日沒有人居住,又或單位正在裝修期間,家居保險都多數不會提供保障。裝修期間要另買裝修保險;

 

2) 新落成樓宇的固定裝置和陳設,如地板、天花、入牆櫃或熱水爐等,若未曾作裝修或改動都不在家居保保障之列,但火險則有機會保;


3) 自然損耗或老化造成的損毁並非保障範圍,所以即使家居保險雖包括第三者責任保障,業主仍須定期進行維修,確保家居及受保財物處於良好狀況,否則發生意外而導致公眾傷亡,未必一定可獲賠。

 

火險保樓宇結構

 

最後,爆窗家居保係唔會賠,因為屬結構性,需以要買坊間俗稱火險的樓宇結構保險,保障住宅樓宇的結構,因火災、爆炸、水管或水箱爆裂及颱風所引致的損失,而樓宇結構則包括建築結構、地板、牆壁、瓷磚及門窗等。火險只有業主可買,屋苑或會有買火險主保單,但墊底費有機較高,自己係業主最好都買一份。

 

簡單呢講,颱風打爛窗並令家居財物損失?窗戶維修火險會賠,家居保不賠;財物損失家居保會賠,火險不賠。