精選潛力及熱門股深入分析跟進
投資888分析師、CFA、CFP
港股有條件反彈 吉利平保可博
10月31日

港股有條件反彈 吉利平保可博

 

港股琴日跌226點,收報24585點,最低見過24540點。再跌係預期之內,但較意外係睇返牛熊證街貨分布,星期一牛證係減,熊證係加,投資者傾向較為偏淡。琴日,牛證再見加倉,重貨區在24500-24538區。最多新增在24400-24499區。


港股近幾日走向似乎受美股影響居多,美股周一晚跌過500點後係尾市反彈,收市較低位差成300點,反映低位承接。回穩到有機會反彈,先企穩24500,再上望25000。琴晚道指升431點,收報24874,可上望25000,假如升得穿除了收復重要心理關口,亦係升破降軌。值得注意係,Facebook收市後公布業績,盤後交易一度下挫,但及後收漲逾3%。蘋果發布新產品,盤後升0.75%。業績會係今個星期焦點,周五會有非農數據。下星期就係中期選舉。短綫若非有重大消息,美股期望能先暫時回穩,因為最壞消息係,特朗普與習近平如果11月會面談貿戰無果,美國12月初會再加關稅,所以美股周一急挫,但周二已大幅反彈,並收於高位,反映已暫時消化消息。不過,唔代表跌完,因為極大機會傾唔成。而且若然突然急插破24000,可能會有較大幅急跌,不能掉以輕心。美股期貨暫時跌數十點。


A股在中證監罕有發聲明下昨日拉升,再加上金融股護盤,如不失2449低位,暫時視為整固行情,若能升穿2600,有機會開展小升浪。不過,同樣難大漲。金融股同汽車相關行業應有機會領軍。


今日11月期貨轉即月,亦係10月最後一個交易日。睇下走勢會唔會有變化。IG HS50 暫升170點左右。港股期望能迎有反彈,向上先望能否收復25000。但假如不理美股及A股回穩再下跌,恒指穿24000,要下試23248。24087係以低位18278至33484升幅調整0.618倍支持。


港股如反彈,平保(2318)有機會上升,昨日低開高走,加上已調整至保力加通度底部,有千億回購憧憬,亦為護盤拉升利器。業績雖唔係一面倒向好,但市場走勢係最有力解讀。今日走勢將確認能否再轉強。


汽車股持續弱勢多時,琴日受惠傳出汽車購置稅減半消息逆市向好。減汽車稅係上次刺激經濟良方,亦係消費升級指標,所以好大機會成事。短綫有機會吸引資金流入,會否長泊就視乎政策係唔係真出台及之後每月公布的汽車銷售增長情況。買股就揀自主品牌,唔係以合資做賣點為佳,好似吉利(175),但吉利係指數股,大市唔得會左右表現。


滙豐(5)走勢筆者有保留,再升應搵位減持。中銀香港(2388)開始計入樓價下跌因素,令業績同前景等構成負面影響,股價大插。香港係滙豐主要貢獻地區,莫非可出現平衡時空?地產代理已開始炒人兼放無薪假,唔敢太樂觀。

 

相關內容:
地產代理寒冬 美聯住宅部推Bottom榜 炒10人 55人放無薪假(http://bit.ly/2JvE0cQ)
滙豐業績勝預期急升 可領軍好友大反攻?(http://bit.ly/2Rgk2VS)