短綫炒作投資攻略及重點財經資訊
投資888分析師、CFA、CFP
【同你計數】手機鏡頭增長迷思
11月06日

【同你計數】手機鏡頭增長迷思

 

【同你計數】市傳蘋果暫停新機增產,蘋果尋晚股價下挫,手機設備股特別係瑞聲(2018)今日急挫。手機鏡頭一向係新機賣點,設備升級令到零部件生產商舊年急升,但從iPhone銷售同全球出貨量增長,值得思考黃金時代係唔係已完?


手機鏡頭從單鏡到雙鏡,係功能上有極顯著提升,如變焦、景深、影夜景更清晰等。帶動鏡頭需求倍增。不過,大家未必太留意,依家手機其實已出到4鏡頭,好似將新出嘅Galaxy A9就有4個後置鏡頭。
鏡頭數目,從1到2,增長有100%。從2到3,增長只有50%。即使出了4鏡頭手機,增長已不復勇態。另外,大家不妨問一問自己,你會唔會追求功能,不計較外觀美感?或願以高價追求極至?


蘋果公司(APPL.US)因為盈利增長預測不及預期,加上不再公布iPhone等產品銷售數字,令投資者擔心銷售放緩。另外,亦傳出停止增產iPhone XR計劃。有投行將蘋果評級下調,因為提價難抵銷售量下跌。蘋果周一晚曾跌超過4%,收跌2.8%。蘋果提價令銷量下跌,反映市場接受力頂部。更不要期望蘋果加3鏡頭可刺激手機鏡頭長,因為再強調依家已出到4鏡頭,如果得,應該得咗。