投資方法集百家大成,滙聚實戰心得,獨到分析
投資888分析師、CFA、CFP
經濟寒冬到 獅子山精山都要企埋一邊!
12月05日

 

經濟寒冬到 獅子山精山都要企埋一邊!

 

成要靠雙手打拼?可能已過時! LinkedIn調查指,最多港人認為合適人脈 (86%)至係成功原因,努力工作(84%)、積極求變態度(82%)、教育程度(81%)、出身於富裕家庭(51%)都要排後面。


獅子山精神係唔係幻滅?唔好理咁多! 因為努力工作有雞碎咁多人工加可能已經求神拜佛! 因為內地啱啱出咗個佛心政策,國務院剛發布《關於做好當前和今後一個時期促進就業工作的若干意見》指出,2019年1月1日至12月31日,對不裁員或少裁員嘅參保企業,可返還其上年度實際繳納失業保險費嘅50%,對其中面臨暫時性生產經營困難且恢復有望嘅,加大返還力度。未過年關已要維穩就業,相信大家都明情況有幾嚴峻。

 

重有現實係社會靠自己向上流愈來愈難!  睇睇國際勞工組織(ILO)報告就知,若以2008至2017年計算,香港平均每年實際工資增長只有0.1%,跑輸新加坡多年。再加上香港工資龜速增長,樓價升得快過坐火箭,核心價值點叫人唔變?