短綫炒作投資攻略及重點財經資訊
投資888分析師、CFA、CFP
炒定中央經濟工作會議 有乜受惠主題?
2018年12月12日

炒定中央經濟工作會議 有乜受惠主題?

 

中央經濟工作會議預計將係星期五舉行,會為經濟把脈,並會定調明年經濟政策大方向,醒目錢已率先部署5大主題:


5G:5G勢在必行,加上救華為兼谷基建。中國鐵塔(788)破頂創新高,升7%,京訊通訊(552)同摩比發展(947)都有炒作,分別升5.5%及15%。中國通訊服務(552)同中興通訊(763)相對表現平平。不過,中國鐵塔係唔係受惠好大?真係要睇三大電訊商幾時再增資本開支,但市場永遠都係炒定先,而且呢隻半新股冇點炒過,兼橫行收集好耐,有故事加技術走勢配合,自然吸引到人一齊炒。至於長揸,就應搵更好選擇。

基建:谷基建一直係支持經濟老方法。三隻鐵路基建股中鐵建(1186)、中國中鐵(390)、中交建(1800)都有追捧。不過,應該彈散機會大。反而可留意隻中國中車(1766)好過,破咗半年阻力。谷基建,花錢多,成效低,唔好咁大憧憬。


京東數字科技首席經濟學家沈建光指,隨著政策轉向,10月以來基建投資已經加快。預計會議仍將會對補短板做出安排,以實現基建托底經濟的作用。但考慮到某些「短板」項目經過幾輪基建潮後可能已不再「短」,繼續加大投入或將拉低邊際效益,且面臨政府債務負擔約束,未來基建投資會更加註重節奏的把握,而非大幹快上。


內房:內房對經濟支持作用好大,憧憬明年宏調鬆手。其實國企內房已率先回升,離高位唔係好遠,係民企內房如碧桂園(2007)、融創中國(1918)離頂部仍有好大距離。追應揀民企內房,但銷售放緩同資金緊張風險仍在,要小心控制注碼。


近日已傳出中國多個城市出現銀行按揭利率下調的利好消息。唔少大行都有鬆手推測,好似野村證券預期,中央在明年春天或之後放鬆多項控制措施,以防止樓市轉冷並拖低經濟。中金預料,明年調控有望調整,政策將着重幫助基本自住和首次換樓需求、增加供應及引導合理定價。


不過,沈建光估計,針對房地產市場,中央經濟工作會議仍會堅持房住不炒的表態,同時強調房地產長效機制的確立。考慮到當前房地產銷售回落、國內房地產企業貸款與按揭貸款增速仍在下降,預計明年房地產市場仍將整體保持在下行調整通道。


物業管理:走勢同內房關連度好大,內房升,物業管理多數有支持。資金買得最積極係碧桂園服務(6098)同雅生活(3319)。


內需:市場普方預期減稅刺激經濟,提振內需係勢在必行,所以消費股,特別係酒類被視為受惠股,好似青島啤酒(168)同華潤啤酒(291)走勢試挑戰降軌。不過,康師傅(322)就冇謂博,始終績差未知幾時可以扭轉,非持貨選擇。


係增長目標方面,沈建光預計,面對經濟下行壓力加大現實,2019年GDP增速調降至6%左右,為結構性改革與應對外部風險騰挪出空間,宏觀政策也會更加寬松,特別是減稅勢在必行。


最後,中央經濟工作會議年年都炒,但好快冇聲氣,所以要控制好注碼。