流行文化充斥著我們的生活,但原來流行背後也可以很有深度。
為大家帶來生活熱話、香港趣事。
爾晴原來都係心機女!
08月15日
爾晴原來都係心機女!
爾晴原來都係心機女!

唔好以為古代女人就一定遵從三從四德,分分鐘畀咗綠帽你戴,你重咩都唔知!


近排延禧攻略熱播中,劇中女主角魏瓔珞(吳謹言主演)嘅運籌帷幄同嫻妃(余詩曼主演)一步步嘅黑化雖然都係劇中焦點,但唔知大家有冇留意到富察皇后身邊嘅一個宮女爾晴,佢表面上好似溫柔嫻熟,大方得體,但其實心懷鬼胎,勾引皇帝不果,就施計令皇后嘅細路富察傅恆迎娶佢。可惜,結婚後都得唔到丈夫嘅寵愛。


據歷史記載,富察傅恆嘅夫人名叫瓜爾佳氏,相傳佢容貌清麗,身形嬌小,而且重通曉詩書,多才多藝。野史提及,乾隆帝因愛慕瓜爾佳氏嘅美貌,經常故意派富察傅恆外出打仗,方便佢同瓜爾佳氏見面,同時瓜爾佳氏又攀附皇帝權勢,而令佢哋之間有著不清不楚嘅關係。其中《清朝野史大觀》、《清史演義》、《乾隆韻事》等書籍中,亦有對乾隆帝同弟媳偷情嘅描述:「乾隆帝在暢遊圓明園的一個春天,結識了號稱『滿洲第一美人』的弟媳傅夫人,二人一見傾心,墜入愛河。皇后生日千秋節期間,傅夫人拜壽後留宿宮中,兩人遂勾搭成奸。」


另外,野史重話乾隆帝同瓜爾佳氏有個仔叫福康安,京師上下人所共知,又因為傅恆經常唔喺宮中,所以常被拎嚟當笑話講都唔知。