作為香港人,你自問夠了解香港嗎?
為大家帶來生活熱話、香港趣事。
兩段釣魚靈異事
09月06日
兩段釣魚靈異事
兩段釣魚靈異事

釣神像

主角阿文住喺比較偏遠嘅鄉郊地區,屋企附近有一個池塘,自小佢就跟爸爸去嗰度釣魚。爸爸釣魚好叻,但阿文就學極都半桶水,有時運氣唔好,可以坐足全日都冇收穫。有日阿文爸爸返咗工,佢見無聊就一個人去咗池塘釣魚。唔知嗰日運氣好定乜嘢,阿文輕而易舉就釣到好多魚。正當佢諗著釣埋最後嗰一條條魚時,佢猛力扯返枝魚竿上嚟,見到竟然唔係魚,而係一個甩皮甩骨嘅神像。阿文當下畀個神像嚇親,連枝魚竿都冇拎就直接拎著籮魚走人。但最離奇嘅係嗰晚佢發夢,竟然見到一個著古裝嘅人猛問佢做咩唔救佢,重同佢講:「我明明畀咗咁多魚你……」自此阿文同佢爸爸都冇再去嗰度釣魚,因為怕釣到嘅魚,其實係要「還」…

釣夠未?

有一晚,一班男仔喺布袋澳一間廟附近釣魚。嗰日佢哋由朝釣到晚,乜嘢收穫都冇。入黑後,嗰度好靜,釣釣下,其中一個男仔突然聽到有把女人聲問佢:「釣咗啲乜嘢?」個男仔以為係其他人玩嘢,點知望返轉頭,佢哋嗰個都好靜咁喺度等魚上釣,而且同佢都有一段距離,所以以為自己聽錯。點知就喺呢個時候,友人大叫有魚上釣,於是佢哋就衝晒埋去幫手,點知扯到咁上下,發現有啲疑似頭髮嘅物體浮咗上嚟。佢哋一行幾人見到呢個情況,諗都冇諗,睇都唔睇,就即刻放低枝魚竿跑走。