百忙中的品味生活未必是物質上的滿足,更是心靈的富裕。
為大家帶來生活熱話、香港趣事。
拆解傳統戲院紅色椅子之謎
09月11日
拆解傳統戲院紅色椅子之謎
拆解傳統戲院紅色椅子之謎

有冇諗過點解傳統戲院或者歌劇院,一般要用紅色嘅椅子同布簾?其實係同眼睛對顏色嘅敏感度有關!喺昏暗嘅環境底下,視力由桿狀細胞負責。咁多隻顏色之中,紅色係最難被呢隻細胞分辨。所以用紅色嘅話,就唔會阻著大家觀賞電影或表演啦!相對地,綠色就係對呢隻細胞最敏感嘅顏色,所以喺戲院裡面,幾乎所有「出口」或「廁所」嘅標誌都會以綠色顯示。

講多樣嘢畀大家知,喺光線充足嘅環境下,因眼睛係由錐狀細胞處理視覺,而黃色就對呢種細胞最敏感嘅顏色,所以你會發現,好多時路上嘅「注意」標誌都會用黃色標示。最傳統嘅雨褸用黃色,就係為咗避免喺密集嘅大雨中同人碰撞。