百忙中的品味生活未必是物質上的滿足,更是心靈的富裕。
by 生活
by 生活
為大家帶來生活熱話、香港趣事。
BTS「TinyTAN祝褔語朱古力」韓國直送 期間限定店率先登陸時代廣場
08月24日

韓國近代可以堪稱為偶像夢工場嘅原產地,K-pop 威力造就唔少國際級嘅組合,如:BIGBANG, BLACKPINK, TWICE & 少女時代... 當中又點少得BTS 防彈少年團呢? 

疫情期間,ARMY都冇得飛去潮聖一定悶悶不樂啦!等小編帶個喜訊畀大家,等各位久候多時嘅ARMY暫時可以望梅止渴。大家都知TinyTAN就係按防彈少年團各成員嘅外貌、性格和神韻而創作嘅角色,品牌最近推出了「TinyTAN祝褔語朱古力」,宜家喺香港首次發售!

一眾TinyTAN角色將會登陸銅鑼灣時代廣場,等ARMY可以喺「TinyTAN祝褔語朱古力 - 期間限定店」盡情同TinyTAN角色影相,仲可以即場購買 「TinyTAN祝褔語朱古力」,馬上接收防彈成員嘅甜蜜訊息!「TinyTAN祝褔語朱古力期間限定店」有全港獨家發售嘅紫色「Magic Door」及紅色「MIC Drop」版本外,更為粉絲準備少量全套四色嘅「TinyTAN祝褔語朱古力」,數量有限,想知防彈成員有咩祝福說話想同你講就千其唔好錯過喇!

紫色一直係ARMY與防彈少年團嘅約定顏色,「TinyTAN祝褔語朱古力期間限定店」以紫色為設計主調, 等ARMY喺別具意義嘅顔色牆前「打卡」留念。「TinyTAN祝褔語朱古力期間限定店」除咗畀ARMY近距離接觸TinyTAN外,仲有機會獲得主辦方準備嘅多款紫色特別禮物!粉絲可以喺期間限定店參與各項活動和遊戲,贏取豐富禮品,仲有機會獲得由BTS代言嘅神祕大獎!


「TinyTAN祝褔語朱古力」以四種顏色及三種主題包裝,紫色&粉紅色「Magic Door」蘊含着希望與溫暖,紅色嘅「MIC Drop」承載着勇氣和鼓勵,白色嘅「TinyTAN」則向ARMY傳遞關懷和療癒感。四款朱古力嘅角色設計和祝福語組合都唔同,每種顔色包含了49句唔同嘅祝福字句, 保證ARMY們獲得多重驚喜和滿滿嘅溫暖。




TinyTAN角色們可以透過Magic Door遊走於現實世界和夢想之間,以音樂和舞蹈散播正能量,故事主軸設計別具心思,加上週邊商品均以實用而具收藏價值著稱,因此被譽為「飯圈恩物」,每每一推出就火速售罄。今次嘅「TinyTAN祝褔語朱古力」更是為ARMY帶來甜甜嘅心動感覺!活動期有限,快啲約定朋友一齊嚟「TinyTAN祝褔語朱古力期間限定店」,感受防彈成員嘅甜蜜衝擊!

 


「TinyTAN 祝褔語朱古力 」期間限定店詳情:

地點:銅鑼灣勿地臣街1號時代廣場5樓526號舖

日期:2021年9月1日 至 2021年9月30日

時間:上午11時30分 至 下午9時正


仲有好多BTS嘅周邊商品賣,快啲帶佢哋返屋企啦!