作為香港人,你自問夠了解香港嗎?
為大家帶來生活熱話、香港趣事。
網民列八大男朋友理想職業
05月14日

有自稱香港大學一年級女生嘅網民列出八大心目中男朋友的理想職業,當中主要都係專業人士多,不過網民都解釋每份工都有缺點,例如物理治療師人工低、老師沒情趣等……不知大家看完有何回應?

原文如下:

網民列八大男朋友理想職業
網民列八大男朋友理想職業

 1)醫生
有醫生男朋友,有乜病痛都唔使驚,夠晒安全感。而且醫生通常都博學多才,除咗醫學知識都識得好多其他嘢,係有品味嘅人。醫生比我嘅印象係收入高但唔花心,放假可能只係留喺屋企打機,唔會沾花惹草,係理想嘅男朋友。
2)飛機師
成日周圍飛,相信見聞都唔少,對世界各地都有認識,而且仲有平機票俾我環遊世界。而且都會有好多有趣經歷可以分享俾我聽。飛機師亦都好勁,連飛機咁複雜嘅機器都操作到,又要手眼協調,又要數理好,真係好勁。缺點就係飛機師通常比較花心。
3)建築師
我成日覺得建築師係神人。入讀大學讀建築,分數一定要高,但同時又好有藝術天份同創意,而且又好chur得(聽講通頂做嘢係等閒事,唔知係咪真?)。建築師通常都係有品味嘅人,對生活有要求,亦都識得裝扮自己。缺點係工時長,冇乜時間陪我。
4)物理治療師
物理治療師識嘅嘢都好多,由頭落腳都有病屬於佢哋嘅專業範圍。如果我有肩頸背痛、運動創傷,都可以搵男朋友幫手。加上佢哋嘅工作有唔少體力勞動,通常都係大隻、有肌肉。而且佢哋準時收工,可以多啲時間陪我。但明顯嘅缺點係人工幾低,養自己都成問題。
5)消防員
做得消防員嘅,一定有做開運動,肯定係大大隻,力量大之餘持久力都驚人。而且消防員識嘅嘢都好多,由救火、上山下海救人、急救都識。我眼中消防員係英雄,拯救有需要嘅人。而且消防係一份鐵飯碗公,工作穩定。缺點係危險性比較大,因工受傷甚至死嘅風險比較大。
6)老師
老師通常都係有耐性、而且願意關心身邊嘅人(某啲教畜除外)。我覺得老師呢份工好有意義,負責將知識傳承俾下一代,亦都負責關心學生成長。而且老師通常都係比較純品,識得安守本份,專一對我。缺點係老師普遍生活枯燥,冇乜情趣。
7)學者
學者通常都好有書卷氣息,一出聲你就會知道佢唔係一個普通人。佢哋對自己鍾意嘅嘢可以好沈迷、好執著,如果對我都係咁沉迷就好喇。學者亦都有高嘅社會地位,受人尊敬(個別出名冇腰骨/言行古怪嘅學者除外)。缺點係可能會太過投入研究,忽略身邊人。
8)律師
律師通常人工都好高,又好識得氹人開心。而且好有生活品味,幾時都會將自己最好嘅一面呈現喺人哋眼前。缺點係普遍花心,而且多數都好自大、好寸、唔識為人設想,同埋工時普遍好長,冇時間陪我。


唔知大家嘅理想男朋友職業係邊啲呢?歡迎分享。