帶你走入高鐵動感號車廂
帶你走入高鐵動感號車廂

廣深港高鐵香港段嚟緊星期日通車,我哋特別帶大家睇睇高鐵動感號車廂係點嘅,車身設計以銀色為主調,用紅色同白色波浪點綴,加上車頭兩側橙色弧形紋,象徵中國飛龍,承傳中華傳統。
「動感號」之所以叫「動感號」,係因為要突顯香港動感之都嘅特質,以示港人同社會經濟都充滿動力。
全車有WI-FI覆蓋,一等座車卡為左右兩排各兩個座位,而二等座車卡則左右兩排為兩個及三個座位。商務座同一等座有閱讀燈、收音機、三腳同兩腳插座。另外,座位可以180度旋轉,方便乘客交談。