美食當前,如何才吃得「有營」?
為大家帶來運動及健康資訊。
樽裝飲品要一日內飲晒
06月24日
樽裝飲品要一日內飲晒
樽裝飲品要一日內飲晒

早前日本TBS電視台嘅綜藝節目《差別在哪裡?》(この差って何ですか)中,將6款最常飲嘅樽裝飲品包括綠茶、水、大麥茶、可樂、橙汁同牛奶咖啡進行「如何防止樽裝飲品滋生細菌」嘅實驗環節。

發現飲過嘅飲品放喺28度常溫而濕度70%嘅房入面會喺24小時後細菌數量急速增長。牛奶咖啡係最嚴重,由600細菌量升為517萬5900細菌量,足足激增約8600倍,因為牛奶含有豐富蛋白質,有助細菌快速增長。

而細菌增長量最少係綠茶,細菌量不單只冇升,反而由600跌到490嘅細菌量。專家指因為綠茶含有一種兒茶素,具抗菌作用。

最後節目專家更呼籲大家唔好食放喺常溫太耐嘅食物,因為金黃葡萄球菌喺高溫下係殺唔死。如要保存食物,最好喺食物重有熱度時放入雪櫃,因為細菌喺攝氏30至50度入面最易生長。
_________________________________
睇精彩短片