任何一種運動,只要持之以恆,也可以為生活帶來變化。
為大家帶來運動及健康資訊。
行得多冇咁易有精神病
07月10日
行得多冇咁易有精神病
行得多冇咁易有精神病

加州大學洛杉磯分校神經科學同人類行為研究所嘅 Keith Nuechterlein教授做咗一項分咗兩個階段嘅研究,分別搵咗16名同32名患有早期精神分裂症嘅青少年。

第一個階段嘅患者要接受神經認知同社會認知訓練嘅電腦程式操作,再加上每周 150 分鐘嘅帶氧運動。而第二項研究嘅患者,就要每星期進行 4 小時嘅電腦遊戲訓練同定期做帶氧運動。

兩項研究都發現有運動嘅患者嘅病情比冇運動嘅患者改善程度好三倍,運動時間越長,對有精神分裂嘅人就有更好嘅效果。

教授又表示帶氧運動(如:急步行同游水)嘅過程入面,大腦會釋出一種叫腦源性神經營養生長因子(BDNF)嘅蛋白質。佢能夠刺激大腦中嘅學習同長期記憶中心—海馬迴,令佢能生出新嘅神經,同時又增加神經之間嘅連結。除咗一般人外,對於患有精神病的患者嚟講,能增長佢哋嘅記憶力同學習能力。
所以唔想咁容易有精神病,大家最好每星期做大約150分鐘嘅帶氧運動喇!
__________________________________
睇精彩短片