拆解身體內藏的科學密碼,來認識自己的身體吧。
為大家帶來運動及健康資訊。
小心戴con沖涼會盲
07月12日
小心戴con沖涼會盲
小心戴con沖涼會盲

台灣萬芳醫院眼科主任吳建良表示,戴著隱形眼鏡沖涼,除咗隱形眼鏡會因吸收自來水,而變硬變緊外,重會造成雙眼不適。因為沖涼時,戴著隱形眼鏡會大大增加角膜遭自來水入面啲細菌感染,因為水龍頭流出嘅水可能會有微生物、小細菌、泥,甚至鐵鏽等污染物。

喺沖涼時亦好難避免自來水接觸隱形眼鏡,一唔小心細菌就有機會從水中轉移到隱形眼鏡。醫生又指出現代人好多有長時間戴隱形眼鏡習慣,角膜上常有小傷口,如果再加上平時工作好忙,疏於隱形眼鏡嘅消毒步驟,當雙眼接觸唔乾淨嘅隱形眼鏡,就更易引起角膜炎或角膜潰瘍,嚴重可能造成視力受損。

喺外國甚至有因為戴著隱形眼鏡沖涼而令細菌感染雙眼,最終導致失明的案例。所以,為咗視力健康,千祈唔好逞一時嘅方便,喺沖涼時戴隱形眼鏡。

另外,建議唔好戴隱形眼鏡去游泳,除非臉部、頭部唔會碰到水,如浸浴或沙灘嬉水咁,可視情況決定是否戴隱形眼鏡。喺平時洗臉、卸妝時,如清潔用品唔小心入眼,唔好用自來水洗眼,一定要以無菌嘅生理食鹽水或眼藥水清潔跑入異物嘅眼睛,以免越洗雙眼越污糟。

__________________________________

睇精彩短片