拆解身體內藏的科學密碼,來認識自己的身體吧。
為大家帶來運動及健康資訊。
粒粒皆辛苦
07月12日
粒粒皆辛苦
粒粒皆辛苦

身邊成日都有朋友話去大便去得唔舒暢,重話成日痾到啲粒粒形嘅便便,到底係咩原因呢?

大便有分唔同形狀,唔同形狀代表唔同問題。其中三樣較常見嘅就有香蕉條形、散形同粒形。

香蕉形大便係最佳形狀,代表腸道非常健康。大便的表面多數好光滑,含水量大約有20%。散形就算係重可以接受,好大機會係因為攝取過多纖維而引發嘅情況。至於粒形嘅便便就係代表你唔健康同唔夠水分,因而引致出現便秘問題。

中大醫學院何善衡腸胃健康中心主任胡志遠教授指,都市人成日飲唔夠水,加上攝取蔬果纖維少,好易有便秘。佢建議每日最少飲兩公升或以上嘅水,增加腸道水份。又可以食蘆薈、木瓜等水溶纖維含量較豐富的植物,呢類食物都係有潤腸作用。而麥麩食品就含有豐富非水溶性纖維,可吸附大量水份促進腸道蠕動,幫助排便。

另外,註冊中醫師陳俊傑就建議便秘患者可以食用合桃糊或火麻仁糖水。同埋建議多做腰部運動,如玩呼啦圈、起臥坐及扭腰等。

唔想成日痾成半個鐘都係得幾粒嘢,咁就要跟以上建議喇!

__________________________________
睇精彩短片