美食當前,如何才吃得「有營」?
為大家帶來運動及健康資訊。
真係奇異瘦呀!
08月06日
真係奇異瘦呀!
真係奇異瘦呀!

日本瘦身專家和田清香表示,1顆100克嘅綠奇異果熱量唔到60大卡,而且有好多維生素、葉酸同礦物質,營養素同膳食纖維都相當豐富。 綠奇異果中嘅膳食纖維,係不溶性同水溶性比例3:1嘅理想比例,水溶性膳食纖維能夠守護腸內嘅黏膜,令益菌增加,而不溶性膳食纖維喺大腸內吸收水分會膨脹成數倍大,可增加糞便的份量、促進腸胃蠕動,兩種膳食纖維一起攝取,有助於重整腸道環境,排出體內囤積毒素。

專家和田清香又表示,呢種瘦身法好簡單,只要晚上食1顆奇異果配1杯水就可。食奇異果嘅時間,就係飯後甜品與寢前一小時之間。由於瞓前先食會對胃造成負擔,所以要盡量避免。由於呢個瘦身法唔係用取代正餐嘅方式嚟減肥,都唔會有空腹造成嘅壓力。

晚上12點前後,係腸胃消化活動嘅黃金時間。就因為晚上食咗奇異果,正好可以喺呢個黃金時段消化奇異果嘅營養。奇異果中含有嘅奇異酵素會發揮作用,促使魚同肉等等嘅蛋白質加速消化,而促使腸胃蠕動嘅活性化,有助於促進全身血液循環,提高代謝機能,對瘦身亦有好大幫助。 

至於搭配奇異果飲用嘅水,可以活化奇異果嘅酵素,所以記得要一齊食用先有用。另外,奇異果嘅酵素喺常溫時活性最強,晚上食奇異果時,選擇常溫嘅奇異果效果係比較好。
__________________________________
睇精彩短片