拆解身體內藏的科學密碼,來認識自己的身體吧。
為大家帶來運動及健康資訊。
打機打到臉痙攣
08月08日
打機打到臉痙攣
打機打到臉痙攣

近日英國《每日郵報》報導,菲律賓有一名6歲小朋友John Nathan Lising因為平均每日打機9個鐘,導致佢臉部出現永久性痙攣,唔單只雙眼不停眨,嘴唇甚至成塊面都會持續震同抽搐,醫生懷疑佢係長時間打機搞到咁。

事源係John家人發現仔仔近期塊面不停出現抽搐情況,即刻帶仔仔去醫院檢查。幾日後,腦部掃描嘅報告查唔到有問題,但認同為仔仔長時間用電子產品有關。

而John嘅媽媽表示仔仔每日起身就睇動畫,放咗返嚟就打手機。本來以為佢玩嘅遊戲好啱小朋友就冇理,但估唔到成咗癮。

醫生最後建議家人禁止John使用手機、平板電腦和電腦。過咗一星期後,John仍每日有20至30分鐘出現臉部抽搐。另一醫生估計抽搐係因為「局部發作」嘅癲癇,未能確定病因。

本港兒科醫生趙長城認為,香港小朋友都面對住打機上癮嘅問題。至於打機導致臉部抽搐,係個別個案,家長唔使太擔心。香港小朋友打機多數導致視力差、肩頸勞累、頸痛以及脊柱側彎等問題。
其實早前世衞將沉迷打機列為「遊戲障礙」嘅精神疾病,過份沉溺遊戲會令人失去控制力、出現負面後果同嚴重影響生活社交等,時間會持續至少一年。

建議大家唔好長時間對住電子產品,而家長更要留意,要限制小朋友花少於2個鐘嘅時間喺電子產品上,唔好令佢哋從小就沾上打機嘅癮。
__________________________________
睇精彩短片