拆解身體內藏的科學密碼,來認識自己的身體吧。
為大家帶來運動及健康資訊。
捉蟹搞到可能失去四肢
08月08日
捉蟹搞到可能失去四肢
捉蟹搞到可能失去四肢

美國新澤西州60歲男子Angel Perez喺7月初時去水邊捉蟹,之後就染上咗食肉菌,導致弧菌壞死性筋膜炎(vibrio necrotizing fasciitis)。幾日後右腳開始出腫脹、劇痛,全身生水泡,細菌重入埋血液,數日內手腳變黑。到而家,Perez重喺加護病房同食肉菌搏鬥,但佢好拒絕截肢,只好等待康復時機。

佢嘅女兒稱爸爸差唔多日日都去釣魚,事發嗰日喺河度唔小心畀嘢割傷腳踝,冇諗到細菌感染重去到咁嚴重。

當地衛生局官員指出,就算係好細嘅傷口,如果有肝病或免疫系統失調,一旦接觸到有創傷弧菌嘅海水,啲菌就會喺傷口上繁殖,而引發潰爛。

醫生又指出Perez患有帕金遜症,免疫系統會比較弱,如果感染繼續擴散,可能會心臟衰竭而死,建議佢截肢先可以保命。雖然Perez雙手已經冇晒感覺喇,但佢應承女女會努力同病魔搏鬥,會堅持到最好一刻。

急症室專科醫生馮顯達曾表示食肉菌感染早期病徵為傷口出現疼痛、發炎、紅腫等症狀,感染初期臨床診斷確實係好困難。後期被食肉菌感染嘅人皮膚會出現劇痛、紅腫同急速嘅組織壞死。
當你嘅傷口或軟組織接觸到喺海水或海產內嘅細菌時,或者食咗生嘅又未徹底煮熟嘅貝殼類海產,好似生蠔咁,都會受感染,而潛伏期一般係12至72小時。

醫生建議出入街市,尤其係去魚檔海鮮地方時,唔好著拖鞋。同埋處理任何海產時,都要戴手套,防止割傷。另外,處理海產後一定要用皂液徹底洗手。
__________________________________
睇精彩短片