拆解身體內藏的科學密碼,來認識自己的身體吧。
為大家帶來運動及健康資訊。
紋眉紋條蟲
08月09日
紋眉紋條蟲
紋眉紋條蟲

有唔少女仔會為咗睇落更精神更Charm而去紋眉同繡眉。近日,《太陽報》報導,43歲嘅Amanda Coats花218英鎊(約2213港元)去診所度做紋眉。做完後,隔咗一日,眉位四周開始出現紅腫同脫皮嘅問題。

佢聲稱之前未試過紋眉,以Amanda嘅形容,佢覺得好似有嘢侵食緊佢啲皮膚咁,重令佢唔可以揸車送小朋友返學添,佢雙眉腫到好似兩條毛蟲咁,所以就即去睇醫生。

去睇醫生嗰時,四周啲人都望住佢,又問佢發生咩事,令佢覺得好醜。最後,佢睇完醫生後,要花972英鎊(約9869港元) 去醫條眉,個醫療費比紋眉嘅費用更貴。

佢打算追討診所,點知診所唔承擔費用,重強調有依足所有安全守則,包括洗手、換手套及消毒儀器,亦提到已做過2000多單紋眉手術,都冇出現過感染。最終診所搵咗專家,相信Amanda眉毛腫脹,係對手術中嘅某樣產品敏感所致。

而整容外科醫生Dr Reza Nassab認為所有紋身都有風險,有試過紋身人士對墨水敏感。每紋一個紋身都要諗清楚,唔好令自己後悔,如果驚自己會好似Amanda咁有敏感情況,最好check下自己會唔會對墨水敏感先好紋。
__________________________________
睇精彩短片