健康是最大的財富,來看看追求活力人生的故事吧。
為大家帶來運動及健康資訊。
放手是因為愛你
08月09日
放手是因為愛你
放手是因為愛你

嚟自美國猶他州嘅女士漢娜(Hannah Mongie)喺18歲時懷有BB,當時佢同男朋友卡登(Kaden)重好年輕,冇能力撐起一頭家,所以二人先協議將佢哋個小寶寶送養。點知,男友喺寶寶出世前兩個月突然逝世,突如其來嘅消息令佢崩潰,好多日都無法落床。

懷孕期間,佢幫寶寶搵到一對好好嘅養父母布拉德(Brad)同艾蜜莉(Emily)。喺2016年3月21日順利生咗兒子塔格特(Taggart),漢娜對著BB講:「你爸爸走咗之後,我真係好傷心,甚至有諗,你係卡登唯一留畀我嘅寶貝,但有一日我醒來,突然明白應該要有人陪伴你長大。」

當漢娜將BB交到養母手中時,佢同BB都只係相處咗48個鐘頭,心入面好唔捨得。佢重向BB講:「我要送你走喇,自此之後你就係佢哋嘅BB。」

原來分別嗰日之後,漢娜未同兒子斷聯,因為佢早就同艾蜜莉達成協議。目前佢住喺兩歲嘅愛子塔格特屋企附近,又經常去艾蜜莉家中探佢,同時又希望塔格特長大後能夠向佢解釋點解要將佢送養。塔格特嘅養母表示,用言語係無法表示對漢娜嘅感激,佢畀咗一份好好嘅禮物。

希望兒子可以健康快樂咁成長,相信大個咗佢會明白漢娜嘅決定!
__________________________________
睇精彩短片