美食當前,如何才吃得「有營」?
為大家帶來運動及健康資訊。
食提子唔好飲茶
08月09日
食提子唔好飲茶
食提子唔好飲茶

最近大陸劇《延禧攻略》入面有一幕,乾隆皇帝邊食冰鎮提子邊飲烏龍茶,點知連續痾咗5次。

台灣溫亞中西醫聯合診所中醫師彭溫雅指出,中醫認為提子本身有潤腸通便嘅效果,對排便不通順、口乾舌燥同氣管比較差嘅朋友,具有滋陰潤燥嘅作用。不過如果本身係虛寒體質,就唔適宜多食提子,尤其係雪過嘅提子,食多就會容易有腹瀉嘅狀況。

從醫學角度睇,提子甜份高,當入到腸後會因為滲透壓力嘅關係,刺激腸胃蠕動,就會有肚痾問題。

至於搭烏龍茶後,就更加促進排便,一方面茶本身係苦中帶寒,飲得多會對腸胃好大負擔,加上茶含有茶鹼,會刺激腸胃。當提子同烏龍茶一起食用後,潤腸通便嘅效果就會加強。如果咁啱係虛寒體質,就會出現肚瀉問題。不過會唔會痾成5次咁多,就要視乎個人體質而定,因為每個人腸胃嘅承受度都唔同。

而高級營養師黃凱詩建議大家每日應大約12粒提子就夠,而且唔好亂搭食物咁食呀!
__________________________________
睇精彩短片