美食當前,如何才吃得「有營」?
為大家帶來運動及健康資訊。
薯條同炸雞令你「經起」
08月12日
薯條同炸雞令你「經起」
薯條同炸雞令你「經起」

台灣有一個9歲半嘅妹妹叫萱萱,佢細個嗰時本來就有啲肉地,屬於體型偏胖。佢爸爸媽媽成日攞薯條、炸雞等速食解決佢三餐。最近2年萱萱食量大增,唔單只肥咗8公斤,身高更高咗15公分。去到上個月媽媽發現萱萱內褲上出現暗紅色嘅分泌物,後來發現係初經來潮,即刻帶佢去睇醫生,先發現萱萱已經有性早熟嘅現象。

而台北慈濟醫院兒科部醫生謝秀盈表示,萱萱嚟求診時,發現佢乳房有明顯發育,腋毛同陰毛都已經開始生長,於是進一步安排抽血和腦部核磁共振、超音波及骨齡檢查,更發現萱萱嘅性荷爾蒙上升、骨齡都超前3年,核磁共振就好正常,確診係特發性性早熟。最後要靠藥物治療後去控制發育狀況。

醫生又指出,成日攝取「高熱量、高油脂」嘅食物,尤其係家禽類帶皮嘅部位,都會提高性早熟嘅機率,越早出現青春期性徵,就會越早關閉生長板。如果冇及時治療,有機會影響身高比一般人少5公分以上,女孩如果太早嚟月經,都會容易造成心理壓力。發現小朋友出現性早熟嘅徵兆,應盡快到醫院檢查。
__________________________________
睇精彩短片