美食當前,如何才吃得「有營」?
為大家帶來運動及健康資訊。
靠呢3樣食物抗老花同白內障
08月10日
靠呢3樣食物抗老花同白內障
靠呢3樣食物抗老花同白內障

日本女性健康生活網站作家前田紀至子指出有三樣食物可以防止有老花同白內障問題。包括:紅蘿蔔,奇異果同牛油果。而三款食物當中,最有功效嘅係紅蘿蔔。

紅蘿蔔係黃綠色蔬菜中β-紅蘿蔔素最高嘅蔬菜,β-紅蘿蔔素進入體內會轉化為維他命A,50公克嘅胡蘿蔔就含有成人一天維他命A必須攝取量嘅營養。維他命A可以消除眼睛疲勞、恢復視力,重對視網膜剝離等重大疾病有幫助。可以預防眼病之餘,對改善夜盲症都好有效果。

其次係奇異果,佢含有豐富嘅維他命C,能夠確保黏膜同皮膚嘅健康,此外抗氧化作用很強,能夠去除造成老化嘅活性氧,特別有助預防白內障同老花眼,因為年歲增長而感到眼睛衰退嘅情況,特別啱食奇異果。

最後係牛油果,佢有對眼睛健康有益嘅營養成分,除咗維他命C外,重含有抗氧化力強嘅維他命E同葉黃素。維他命E可以促進血液循環,對改善眼睛疲勞、乾眼症同預防老花具有好嘅效果。
__________________________________
睇精彩短片