健康是最大的財富,來看看追求活力人生的故事吧。
為大家帶來運動及健康資訊。
運動係冇分年齡
08月19日
運動係冇分年齡
運動係冇分年齡

早前,《英國郵報》報導澳洲悉尼一名75歲嘅女士Janice Lorraine,佢任健美運動員已經差唔多20年。除咗佢係健美運動員外,佢重係一個是退休心理學家。

佢55歲時,首次參加健美比賽,希望可以透過健身對抗退休後嘅急速衰退。有一日,佢見到一名老婦人喺冇任何輔助下,行每步都好辛苦後,就下決心老咗唔可以變成咁。

喺1998年,當佢知道體重抗阻力訓練(Weight Resistance Training, WRT)係有效預防骨質疏鬆後,即開始積極訓練,更會走入男性主導嘅舉重室。佢目前已成為一名天然健美運動員,至今參加過23場唔同嘅比賽,包括「環球小姐」、「世界小姐」和「奧林匹克小姐」等。佢最想帶出嘅信息係:「冇嘢係冇可能的,同時鼓勵所有年紀嘅女性,過佢哋想過嘅生活。」

Janice經常係比賽入面最大年紀嗰嗰,但佢都冇放慢腳步,一星期會有6日訓練。逢一、三、五就會去健身室鍛練大肌肉,而二、四、六就會步行8公里、做30次掌上壓、30次三頭肌掌上壓、30次背腿抬高和2分鐘的腹部訓練。食方面都好心得,佢平時會食沙律、烤甜薯,重會食烤雞肉,烤魚同牛排嚟攝取蛋白質。零食方面就以餅乾同90%無糖朱古力取代,有時晚餐會配一杯酒。

佢而家重考慮緊喺2019年底參加比賽,嗰時佢已經77歲喇。但佢就係想證明畀人睇,佢會一直堅持,直到決心用完為止。另外,佢又想改變大眾對70歲以上嘅人總係力不從心嘅印象。

希望大家唔好再以年紀為藉口,因為運動係強化身體,唔會受年齡嘅限制。
__________________________________
睇精彩短片