美食當前,如何才吃得「有營」?
為大家帶來運動及健康資訊。
再見喇蟻民!
08月15日
再見喇蟻民!
再見喇蟻民!

日本知名網站「naver」推介咗五款有效驅蟻方法,跟足晒就可以KO佢哋!

1.    封死出入口:接合膠、膠紙、殺蟻劑
螞蟻會由牆壁嘅縫隙、腐朽嘅木材、小洞口入侵到屋企,只要搵到螞蟻通行嘅出入口後,再塗上樹脂接合膠,或者貼上膠帶封死個洞,亦可以用市面有售嘅殺蟻劑,塗喺出入口上,驅趕螞蟻。

2.    消除路線:薄荷油、爽身粉、酒精除菌劑
喺蟻嘅行徑路線上,塗薄荷油或嬰兒爽身粉,覆蓋氣味,等啲蟻搵唔到走過嘅路。而爽身粉入面含滑石成分,具脫水功能,可以令螞蟻脫水死亡。亦可以使用酒精除菌劑,噴灑喺螞蟻嘅行徑路線,驅逐螞蟻之餘,順便消毒殺菌。

3.    唔留食物殘渣
唔好懶!保持清潔打掃,唔留任何食物殘渣,將飲料瓶罐沖洗乾淨,再密封垃圾袋,等啲蟻冇嘢食。

4.    要識用橡筋、咖啡渣
蟻好憎橡筋味,所以你可以喺裝有砂糖或甜食嘅瓶罐上綑上橡筋,趕走螞蟻,建議一次最少3條,綑越多效果越好。或者喺想要驅蟻嘅地方,灑上大量橡筋都可以。
另外,曬乾的咖啡渣,除除臭除濕功能外,重可以驅蟻。將咖啡渣灑喺蟻窩附近或是花壇裡,就能夠消除螞蟻留下嘅氣味,逼佢哋搬家。

5.    「硼酸」驅蟻劑 
國外節約網站「fivecentnickel.com」教過如何自製驅蟻劑。只要將一小匙(約5毫升)嘅「硼酸粉末」同一小匙砂糖或是花生醬混埋,再加少少水攪拌成濃稠嘅泥狀,倒入好多瓶蓋或水樽入面,放喺螞蟻成日出沒地方就可以。

*最後,終極天然大法:淋熱水同肥皂水
將滾水淋地面上嘅蟻窩,等蟻窩變凹洞,喺凹洞上灑大量蘇打粉或醋,可以破壞蟻窩嘅結構。同埋,你可以將家用肥皂水淋落蟻窩,將佢哋溺斃。