拆解身體內藏的科學密碼,來認識自己的身體吧。
為大家帶來運動及健康資訊。
開冷氣瞓唔好開太凍!
08月20日
開冷氣瞓唔好開太凍!
開冷氣瞓唔好開太凍!

據杭州新聞報導,指出杭州一名77歲趙老先生,有一日突然感到左腳發冷,而且腳到腳踝上部都變成青紫色,發紫位置重好痛。去到醫院做檢查時,被誤診為腰椎間盤突出而引起,醫生開咗止痛藥畀佢。但過咗兩三日後,左腿嘅疼痛加劇,發紫同冰冷嘅情況再嚴重咗,青紫色甚至延伸到膝蓋上方。

趙先生喺月初被屋企人送去急診,發現佢罹患「主髂動脈閉塞症」,腹部到通往左腿嘅主動脈全都被血管斑塊同血栓塞住,左下腿因缺血缺氧太耐已經壞死咗,最後不得不把左腿膝蓋以下的部分截肢。而趙先生5年前就有下肢間歇性跛行嘅病歷,行一段路就會腳痛,而且又患過腦梗塞、心臟血栓、腰椎間盤突出等疾病。醫生表示佢血管壁斑塊嚴重,都有血栓,但腿部血流可以靠一啲小血管提供,唔知點解病情會突然加劇。

之後,從家屬口中得知,最近天氣好熱,趙先生夜晚瞓覺會開足一晚冷氣,溫度就較26度,雖然有被蓋著但都無法確保冇踢開,所以可能令腿暴露喺冷氣中。醫師透露最近都接咗幾個類似嘅病例,好多動脈栓塞嘅病人因為天氣熱而開冷氣,但溫度一下降就會導致血管收縮,如果血管本身質量較差,就會容易塞住。

醫生又指出雖然開26~27度唔算低,但有高血壓、糖尿病、高血脂、腦梗塞病歷紀錄嘅老人家,建議都係開28度以上較安全或轉開風扇。另外,如果喺冷氣下吹一晚,一定要注意唔好露出腳,務必要做好保暖。
__________________________________
睇精彩短片