健康是最大的財富,來看看追求活力人生的故事吧。
為大家帶來運動及健康資訊。
安樂死係對自己一個交待
08月21日
安樂死係對自己一個交待
安樂死係對自己一個交待

早前,澳洲104歲科學家古道爾博士(Dr. David Goodall)喺瑞士巴塞爾安樂死。佢之前公開表示 ,晚年生活品質下降,日子過得唔快樂,希望有尊嚴咁死去,並由基金會「Exit International」協助完成。

古道爾接受安樂死前,飛往法國波爾多同屋企人最後見面,之後到瑞士巴塞爾接受安樂死。佢透過網路募款1.7萬澳元,支付呢次旅程開支。 古道爾身體狀況一直都良好,冇患任何病。有記者問佢係咪肯定接受安樂死時,佢坐喺輪椅上輕鬆咁答︰「係,我嚟呢度嘅目的!」 

古道爾20年前已係國際組織Exit International主要成員,推動全球安樂死合法化。亦提過,如非必要根本唔想去瑞士,可惜澳洲唔准許安樂死。 

古道爾1914年出生,本身係植物學與生態學家,佢曾表示隨着年齡增長,健康狀況每況愈下,視力都嚴重退化,唔單係研究計劃要取消,夜晚都唔可以駕車前往業餘劇團排演,局住放棄唯一興趣。佢又試過喺住所內暈倒,2日後先被清潔工人發現送醫。 自知自己活得冇尊嚴,先決定去瑞士接受安樂死。

佢表示希望自己嘅經歷可推動澳洲修法,放寬安樂死。之前佢接受媒體專訪時都講:「好遺憾活到104歲,我嘅生活品質不斷下降,我好唔開心,好想死,咁樣冇嘢好難過了,如果想死遭到阻攔,先係令人難過。」

其實健妹認為佢選擇嘅安樂死,可能對佢嚟講係一件開心事。別人眼中可能會認為睇唔開,但起碼對佢嚟講係一種解脫。
__________________________________
睇精彩短片