健康是最大的財富,來看看追求活力人生的故事吧。
為大家帶來運動及健康資訊。
隔空宣布喜訊
09月04日
隔空宣布喜訊
隔空宣布喜訊

據美國CNN報導,美國加州一個男人James Prothro早前剪接外父生前嘅錄音聲帶,令外父可以透過錄音向老婆Jennifer宣布寶寶性別。

事源係今年12月,佢哋將迎接第9個小朋友來臨,以往會產前檢查知寶寶性別,但Jennifer爸爸習慣等到寶寶出世先問性別,當係驚喜。但可惜爸爸喺上年因癌症去世,睇唔到第9個孫出世,所以Jennifer知道懷孕嗰刻,就決定跟爸爸做法,令寶寶成為佢嘅驚喜。

但因為Jennifer太大好奇心加上朋友不停詢問,向老公提出要一個創意揭曉方法。由於James本身係音樂製作人,就用岳父生前嘅錄音聲帶親自剪接,宣布寶寶性別。對Jennifer嚟講,爸爸係佢一切,佢一定鍾意呢個方法。

當Jennifer一開嚟聽時,聽到爸爸聲音話:「你好Jennifer,我係爸爸,我想話你知寶寶係女孩……我愛你,再見。」Jennifer聽到後露出難以罝信嘅表情,最後重激動落淚,表示冇諗過可以再聽到爸爸聲音。

希望Jennifer嘅第9位女女可以喺公公嘅祝福下順利同健康咁出世喇!
__________________________________
睇精彩短片