美食當前,如何才吃得「有營」?
為大家帶來運動及健康資訊。
唔想腸炎就要食佢哋
09月08日
唔想腸炎就要食佢哋
唔想腸炎就要食佢哋

發表喺《免疫學》期刊上的研究中,弗朗西斯·克里克研究所嘅研究人員指出,十字花科蔬菜中含有一種叫「吲哚-3-甲醇(indole-3-carbinol)」嘅化學物質,可降低小鼠患腸道炎症同結腸癌風險。呢種物質喺蔬菜被人體消化過程中會被釋放出來。 

研究人員發現,「吲哚-3-甲醇」會激活芳香烴受體蛋白(AhR),而呢種蛋白同機體免疫性疾病同炎症反應有密切關係。腸道上皮細胞每七日就再生一次。而AhR蛋白會幫助腸道幹細胞分化成上皮細胞,吸收營養或產生保護性粘液。

如果人體冇AhR蛋白嘅調控,腸道幹細胞分裂就會失控,導致腸癌。通過小鼠實驗發現,當小鼠無法產生或激活AhR蛋白時,佢哋就易患上腸道炎症,而呢啲炎症會進一步發展變成腸癌。 
但係如果研究人員畀小鼠餵食富含「吲哚-3-甲醇」嘅食物,患腸炎或癌症嘅概率就大大降低,並且減緩或甚至中止腫瘤嘅發展。 

呢項研究令我哋了解十字花科蔬菜係對人類身體有益嘅分子機制。我哋經常見到嘅十字花科蔬菜包括油菜、薺菜、蘿蔔、西洋菜、椰菜花、西蘭花、捲心菜等。由今日起記得食多啲呢類菜,咁先唔驚有腸炎或者腸癌呀!
__________________________________
睇精彩短片