美食當前,如何才吃得「有營」?
為大家帶來運動及健康資訊。
生蝦刺身易中毒
09月10日
生蝦刺身易中毒
生蝦刺身易中毒

食放題又好,食泰國菜都好,生蝦刺身都係好受大歡迎。但唔講唔知,泰式生蝦刺身嘅規管比較低。喺2011年同2017年,分別有11名同7名市民食生蝦刺身後出現中毒情況。

食安中心指出,副溶血性弧菌會出現喺熱帶到溫帶沿岸同河口,會附喺當地生長嘅水產,如蝦身上,並且會迅速繁殖。而我哋食咗呢啲受污染同未煮熟海產後,會易感染副溶血性弧菌。

肝臟科專科醫生吳志豪提醒,食咗受污染生蝦刺身後,大約會喺半日至2日內出現腹瀉、肚痛、嘔吐同發燒症狀,係腸胃炎一種。嚴重人士會出現大便出血,不過呢個情況好少出現。另外,如果食生蝦刺身就去信譽良好嘅商舖買,同埋避免同時大量進食。

食安中心又建議大家處理水產時,穿上清潔嘅保護衣物好似面罩、手套等,先好去處理食物。用完器具後,記得要徹底清洗同消毒。
__________________________________
睇精彩短片