健康是最大的財富,來看看追求活力人生的故事吧。
為大家帶來運動及健康資訊。
比賽不忘餵母乳
09月17日
比賽不忘餵母乳
比賽不忘餵母乳

白朗峰越野超馬(UTMB)每年喺阿爾卑斯山舉行,全長一共約171公里。呢個賽事係橫跨法國、意大利同瑞士,係歐洲最大型嘅跑步比賽,同時被視為全球最難嘅賽事之一。

今年嘅賽事入面,有一名36歲、育有兩個小朋友嘅英國女子Sophie Power,佢產下細仔Cormac 3個月後,由於佢太熱愛跑步,生完仔冇耐就參加上個月底舉行嘅UTMB比賽。

成個比賽過程佢都帶埋仔仔。仔仔肚餓,Power仍堅餵哺人奶。比賽開跑咗16個鐘,Power就喺意大利嘅庫爾馬耶烏爾(Courmayeur)中途站停低餵人奶。呢一幕,就被攝影師拍下低咗,圖片中見到Power坐低並抱著仔仔,再掀起運動上衣餵哺母乳,而另一邊乳房就忙著泵奶。

為維持到一定奶量,Power比賽時刻意保持較慢嘅均速,來維持心跳平穩,為免損耗過多體力同燃燒太多脂肪,影響母乳分泌。另一方面,又喺每個休息站留長啲時間,確保有足夠休息同補給。最終佢以43小時33分完成整項賽事。

母愛真偉大!
__________________________________
睇精彩短片